Nan yon ankèt CNN mennen sou eta davansman envestigasyon sou asasina Jovenel Moïse la, medya ameriken an fè konnen, gen anpil bagay ki bloke dosye a. Selon plizyè dokiman exclusif ak temwanyaj jounalis yo rive jwenn, gen anpil menas lanmò kap fèt sou jij, sou grefye, e menm sou komisè gouvènman kap travay sou dosye a.
Selon sa kèk otorite nan Lajistis fè CNN konnen, yo menm resevwa apèl enkoni kap di yo pou retire kèk nom moun nan dosye a. Daprè kèk spesyalis nan domèn jistis medya ameriken an pale, ankèt sou asasina ansyen Prezidan an difisil, li gen anpil flou ki ka fèl pa abouti. Selon yo menm, pwosesis la mal demare depi nan premye konsta legal yo. Yo mansyone tou, disfonksyonman aparèy jistis la ki ka poze pwoblèm tou.
Men daprè Jij depè ki te ale sou plas aprè lanmò a, yo te kòmanse jwenn obstak depi nan premye konsta yo. Yo pat jwenn otorizasyon “a temps” pou rantre nan kay la, e yo pat jwenn temwen enpòtan pou yo ta tande yo, tankou polisye ki te sou pòs nan sware asasina a.
Fòk nou di jiskaprezan, pa gen pyès otorite ki vle bay detay sou kisa kamera siveyans kay Jovenel Moïse la te anrejistre jou swa sa a.
Sa se yon rezime nou fè pou ou. Nou envitew al li tout atik sa a ki an Anglè. Li tou gen yon repòtaj videyo ki akonpanye l👇🏾