By: Dimitry Charles
Ziona Chana ki se chèf sèk kretyen ki rele Chana Páwl, mouri 13 jen pase a sou kabann lopital Trinity d’Aizawl nan peyi End.
Sitwayen sa rekoni kòm moun ki gen plis pitit nan mond modèn lan kote yon fanmi elaji ki gen ladan l 38 fanm, 89 timoun ak 33 pitit pitit ki an dèy depi dimanch pase a.
Ziona Chana pa t kite okenn manb nan fanmi l lage aladriv, li te aranje l mete tout moun yo nan yon kay 100 chanm ki gen 4 etaj, nan vilaj Thangnuam, peyi End.
Trè popilè nan peyi l, nouvèl lanmò l te konfime pa minis an chèf Mizoram ki se Zoramthanga.
Nouvèl yo revele se yon ipètansyon ateryèl ak yon dyabèt ki pote Ziona Chana ale. Vilaj kote l te abite ak tout fanmi l yo vin tounen yon atraksyon touristik. Akoz fanmi l, moun ki vin vizite End toujou bezwen wè moun sa yo ki vrèman anpil.
Moun ka menm ap poze kesyon si misye te sonje non tout madanm li yo? Èske yo pa konn bliye retire plat pou tout pitit pitit sa yo?
