Lundi 6 avril 2020 – KINDY fèt yon 27 Desanm, se yon Jenn gason k’ap viv nan Komin Kafou nan lokalite Dikini. Lè l te fin fè filo l nan Kolèj Advantis Dikini, l’te degaje l kou mèt Jan-Jak prepare konkou pou l rantre nan Fakilte Agwonomi ak Medsin Veterinè, yon antite anndan Inivèsite Leta. Yon objektif l’te rive atenn, kote aktyèlman KINDY gen yon espesyalizasyon nan « Sciences Technologiques des Aliments ». L’te Kòmanse tou yon etid nan Lekòl Nasyónal Jewoloji Aplike(ENGA), yon etid ki kanpe pou moman.
W’ta gen lenpresyon nan Pakou pwofesyónèl Jèn sa, koze Agwonomi ak Jewoloji pa priyorite l vre. Ann suiv…
Depi kèk lane, pandan Teknoloji Enfòmasyon ak Kominikasyon yo ap grenpe bwa, MONTREUIL lage l nan fè pwomosyon pou ansanm byenfè Entènèt(Nimerizasyon), Maketin ak Antreprenarya genyen men anpil jèn inyore. Se sa k fè l’pral lanse l nan kèk etid sou entènèt kote l rive genyen plizyè sètifikasyon. L’gen yon sètifikasyon nan « Search Engine Marketing », l’gen yon lòt nan « Online Marketing Fundamentals », l’gen yon lòt sètifikasyon tou nan « Social Media Marketing ».
Ansanm devouman l’rive devlope chak jou nan domèn Entènèt sitou, fè l viv anpil bèl eksperyans anpil jèn ta swete viv tou.
KINDY se aktyèl Prezidan CITE (Centre d’Innovations Technologiques et d’Entrepreuriat), l’se anbasadè pou « Global Goodwill Ambassadors (GGA) », l’se Anbasadè pou « Global Peace Index », l’se Manm « ISOC(Internet Society) Haïti », an 2018 l’ta l reprezante Ayiti nan peyi Lafrans nan semèn « Forum sur la Gouvernance de l’Internet » Nasyon Zini te òganize . Nan menm lane 2018 la anba lidèchip li anndan CITE, l’te fasilite aktivite « Global Entrepreneurship Week »(GEW) la reyalize pou premye fwa nan peyi pa bò isit.
Nan lane 2019, li te patisipe nan « Paris Peace Forum », yon aktivite ki gen pou objektif analize nannan prensipal defi monn la ap fè fas epi rive pwopoze solisyon ki pratik epi k’ap rete tou.
Bò kote tout bagay sa yo, MKV te « Juge Virtual nan konkou Diamond Challenge for High School Entrepreneurs », l’travay ak anpil jèn Ayisyen kou Letranje nan ba yo akonpanyeman ak fòmasyon sou plizyè domèn prensipalman nan kesyon Nimerik kote l’ap pwone depi kèk tan sa l rele « alfanimerizasyon » an.
Valè sa yo l’rive konstui lakay li fè apil jèn nan lantouray li fyè pou moun li ye a, e toujou swete tande l k’ap pale. Pa twò ta, dimanch ki te 15 mas 2020 an, l’te envite prensipal yon emisyon nan radyo Roc Solide kote l t’al pale sou « l’éducation à la Citoyenneté Numérique. »
Montreuil s’on Jenn gason ki chaje ak anpil kapasite, li pwomèt anpil e Kafou an patikilye ak Peyi a an Jeneral Kapab konte sou li. Aktyèlman, l’ap travay sou plizyè lòt pwojè ki ap enteresan anpil, n’ap kapab dekouvri yo sou paj pèsonèl li(Montreuil Kindy Vereus) ak Paj CITE.com sou rezo sosyal fesbouk.
Kout plim: Pòl Evenns Ogisten
Imel: Jenenfliyankafou7@gmail.com
Tel:+509 4875 5478
watsap: +509 4289 0838