Ankèt ap toujou rapousib
Nan ti peyi’m nan, Tout voum se do
Tout jan ou vire wap pran kou nan do
Anyen pap mache
Men, tout bagay ap regle
Ti nèg pa vle wè damballah wèdo
Men, li renmen danse petro
Nan ti peyi’m nan, pa gen lajan
Men tout moun jwenn
5 kòb pou gangan
Mago pou kamoken
Vòlò vòlò volò
Pa gen rele bare volò
Nan ti peyi’m nan, pa gen bay detay
Nan fè Gaspiyay
Nou pa nan foulay
Bay rapò ak pyès moun
Te mèt se te ogou feray
Nou pa dwe li pyès voum
Nan ti peyi’m nan, toujou gen krim
Men tout moun se viktim
Pa janm gen koupab
Jijman pa gen santans
Tout jij toujou an vakans
Lajistis se pou sa ki kapab
Nan ti peyi’m nan, tout zewo egal a nèf
Sa rann tout ekwasyon enposib
Tout pwoblem vin san solusyon
Tout fanm ap fin mouri vèf
Anba je papa leta koripsyon
Ankèt ap toujou rapousib
(Jhony Desinor ✍🏾)
Naples, Fl
26 Out 2018